~台語的世界~

帶著期待ê心情，阮開始了鹿港ê一日遊，猶閣會記咧彼工早起時仔，風微微仔吹來，真正是一个適合出去tshit-迌ê日子，頭一站，遊覽車駛入去南投ê中興新村，彼个所在，早期是中華民國台灣省政府，這馬攏變成中部地區有名ê觀光景點佮囡仔人ê遊樂場所，紲落去阮來到國史館台灣文獻館，這兩个所在攏有誠深ê歷史意義，可惜，阮因為時間ê緣故，干焦會當佇遐翕一寡相，停一擔仔久爾爾，後擺若是有機會我希望我會當閣再去文獻館多多了解一寡台灣歷史的記憶，對咱主修台灣語言學系來講會有誠大ê幫助。

我頭一擺接觸著吳淡如ê冊是佇咧高中ê時陣，這本冊予我誠濟啟示，作者用伊家己特殊ê人生看法，予誠濟查某囡仔無仝款思考ê模式。猶閣會記咧，咱上早接觸”生涯規劃”這个名詞，是這咧咱讀中學ê時陣，彼个時陣，學校攏會安排一寡仔關係著咱未來ê興趣測驗，予你家己會當了解著閣較濟無仝款方面ê領域，嘛會當佇內底揣出家己心內到底想袂愛ê到底是啥物。

猶毋閣，我感覺這个測驗，只不過會當當做是參考爾爾，其實並無偌大ê幫助。所以，見擺我若是感覺著家己對未來真無方向ê時陣，我基本上攏會去看一寡鼓勵家己ê冊，來增加我ê信心，因此，佇咧看完這本-[寫予查某人ê生涯規劃冊]了後，我開始發現，原來這咧我ê心肝內个女性主義是遮爾強烈，嘛會當閣較確定家己未來ê方向，而且我嘛真認同作者講ê一寡仔名言，像是:媠，予人看會著；巧，予人看會起。

“有看著無?阿樹佇咧祝福咱!”

 博子文文笑。

佇咧張教授ê演講當中，我對教育ê教學方式，開始有一寡仔無仝款ê想法，雙語教學予學生有一个無仝款ê 體驗佮意義，透過雙語教學，毋但增加學生學習ê興趣，嘛予in有實際參與ê感覺。過去，佇咧政府政策ê推動之下，華語紲變成咱國家官方語言ê代表，而且咱著按呢不知不覺ê忽視咱真正的本土母語，這是一个嚴重ê問題，值得咱逐家去看重in，而且實際ê保育in。

崩世代講座 (101/03/06) 心得:

施雪兒，台北市立金甌女中畢業，這馬讀台中教育大學-台灣語言學系一年級，我ê故鄉佇例澳門，猶毋閣阮兜搬來台北嘛已經十幾冬矣，所以嘛算是本土ê台灣人。阮厝內有五个人，阿爸阿母猶閣有兩個小妹，佇阮兜不管時攏有笑聲，我佮阿爸的感情誠好，有時陣阮著親像好朋友仝款，顛倒毋成父子。我真歡喜我出世佇咧一个無煩無惱的避風港，因為有愛，我嘛培養出積極又閣樂觀的人生態度。

<作品成果>